Balaton

• Orta tez yetişəndir
• Qılçıqsız payızlıq buğda sortudur.
• Avstriyanın “Probstdorfer Saatzucht” toxum şirkəti tərəfindən yaradılmışdır.
• Azərbaycanda sınaqdan uğurla keçmiş və 2018-ci ildən dövlət qeydiyyatına alınmışdır.
• İstehsalının başlıca məqsədi çörək məmulatları istehsalı üçün ərzaqlıq dən alınmasıdır.
• Aqrofitosenozda kollanması və sıxlılığı yüksəkdir, sünbülün məhsuldarlığı ortadır.
• 1000 dənin kütləsi 40 qram hüdudundadır, yerə yatmaya, dənin tökülməsinə, sarı və qonur pasa qarşı davamlıdır. Erkən əkmək tövsiyə edilir.

Gaudio

• Orta tez yetişəndir.
• Alçaqboylu qılçıqlı payızlıq buğda sortudur.
• Avstriyanın “Probstdorfer Saatzucht” toxum şirkətinin seleksiyasıdır.
• Azərbaycanın Samux, Ceyrançöl və Padarçöl ərazilərinin torpaq-iqlim şəraitində orta tezyetişəndir.
• Yüksək potensial məhsuldarlığı və quraqlığa davamlılığı ilə xarakterizə olunur.
• Erkən və sıx əkilməsi tövsiyə olunur.

Qobustan

• Tezyetişəndir
• Qılçıqları ağ, kobud və dişlidir
• Azərbaycan Əkinçilik Elmi-Tədqiqat İnstitutunun seleksiyasıdır.
• Orta boylu (90-100 sm), yatmaya davamlı, Sünbülü yetişmə zamanı əyilən, uzun, orta sıxlıqda olmaqla ağ rəngdədir.
• Dəni orta irilikdə, şırımın xarakteri dayaz, rəngi ağ, yarıyumru, qayəsi tüklüdür.
• Yüksək texnoloji və çörəkbişirmə keyfiyyətinə malikdir. Sort dənin tökülməsinə, sarı pasa və sürmə xəstəliklərinə davamlıdır.

Qırmızıgül

• Azərbaycan Əkinçilik Elmi-Tədqiqat İnstitutunda yaradılmışdır.
• 2011-ci ildən seleksiya nailiyyətlərinin Dövlət reyestrinə daxil edilmişdir.
• Qısa boylu (74-84 sm), gövdəsi möhkəm, yatmaya tamamilə davamlıdır.
• Yüksək arxitektonikaya malikdir. Sünbülü düz, qısa, qırmızı rəngdədir. Qılçıqları qısa, dağınıq və tüklüdür.
• Dəni xırda, forması yarım-yumurtavari, rəngi qırmızı, şırımın xarakteri dayaz, qayəsi tüklüdür. Potensial məhsuldarlığı 7,0-8,0 ton/ha-dır.
• İstehsalının başlıca məqsədi çörək məmulatları istehsalı üçün ərzaqlıq dən alınmasıdır.
• Dənin tökülməsinə, sarı pasa və sürmə xəstəliklərinə qarşı davamlıdır. Suvarma şəraitində optimal müddətdə (oktyabrın 2-ci və 3-cü ongünlüyü) əkilməsi tövsiyə edilir.

Maurizio

• Tezyetişəndir
• Avstriyanın “Probstdorfer Saatzucht” toxum şirkəti seleksiyasıdır.
• Yüksək potensiallı və çörəkbişirmə keyfiyyətinə malik olan sortdur.
• Sort-yaxşılaşdırıcı qrupa daxildir.
• Yatmaya və sarı pasa qarşı davamlılığı ilə fərqlənir. Yüksək zülal və qlütenlə uzlaşmış yaxşı iri və dolğun dəndir.

Ləqayətli

• Yumşaq buğdadır.
• Sortun originatoru Azərbaycan Əkinçilik Elmi-Tədqiqat İnstitutudur.
• Sort ortaboyludur (98-108 sm), gövdəsi möhkəm, yatmaya davamlıdır, məhsuldar kollanması 3,2-3,6-ya çatır.
• Orta yetişəndir. Sünbülü orta ölçüdə, ağ rəngdə, qılçıqlıdır.
• Dəni orta irilikdə və şırımın xarakteri dayaz, rəngi qırmızı olub, yumurtavari olmaqla qayəsi tüklüdür.
• Sünbüldə sünbülcüklər orta sıxlıqda yerləşmiş, sünbüldə dənlərin sayı 52-54-ə çatır.
• 2022-2023-cü illərdə Ceyrançöl ərazisində noyabr ayının əvvələrində əkilmiş sahələrdən məhsuldarlığı 5.43 ton təşkil etmişdir.