Hazırda həm istehsal, həm də saxlama zamanı ciddi beynəlxalq keyfiyyət standartlarına riayət edərək buğda, arpa, qarğıdalı, yem (quru ot/silos) və şəkər çuğunduru istehsal edirik. Beləliklə dəyərli müştərilərimizi yalnız yüksək keyfiyyət ilə təmin edirik.
Arpa
Payızlıq arpanın “Finola” sortu
Erkən sünbülləmə və yetişməsi ilə fərqlənir.
Avstriyanın “Probstdorfer Saatzucht” toxum şirkətinin yeni çoxcərgəli payızlıq arpa sortudur.
Yerli sortlardan (Qarabağ 22, Cəlilabad 19 və digərləri) 3-4 gün gec yetişməsinə baxmayaraq, nəmlik çatışmazlığı şəraitində belə məhsul vermək xüsusiyyətinə malikdir.
Yerə yatması 7 bal hüdudundadır.
Dəninin iriliyi, dolğunluğu natura çəkisinin yüksək olması sortun səciyyəvi xüsusiyyətlərindəndir.
Azərbaycanın quraq ərazilərində yetişdirilən digər sortlardan üstünlüyünü qoruyub saxlayır.
Payızlıq arpanın “Arcanda” (Arkanda) sortu
Avstriyanın “Probstdorfer Saatzucht” toxum şirkətinin seleksiyasıdır.
İkicərgəli payızlıq arpa sortudur.
Yerə yatmaya və gövdənin kövrəkliyinə qarşı yaxşı duruş gətirir.
Dəninin iriliyi və naturası ilə fərqlənir.
Əsas xəstəliklərə qarşı davamlıdır, müxtəlif hava və istehsalat şəraitinə yaxşı adaptasiya olunur.
-1.png)
