Qəbələ Aqropark MMC gənc istedadların kəşf edilməsi və aqrar sektorda peşəkar kadrların yetişdirilməsi məqsədilə Baytar Həkim ixtisası üzrə təcrübə proqramı elan edir.

Bu proqram karyerasını heyvandarlıq və kənd təsərrüfatı sahəsində qurmaq istəyən, öyrənməyə həvəsli və inkişafa meyilli yeni məzunlar üçün ideal fürsətdir.

Təcrübə proqramı çərçivəsində öyrənəcəyiniz və iştirak edəcəyiniz proseslər:

• Müalicə və Profilaktika: Təsərrüfat üzrə epizotik xəstəliklərə qarşı vaksinasiya planının icrası, xəstə heyvanların aşkarlanması və təyin edilmiş metodla müalicə-profilaktika işlərinin aparılması.
• Doğuş və Çoxalma: Doğuş proseslərinə müdaxilə, doğuş sonrası müalicə, heyvanlarda boğazlığın müayinəsi, süni mayalanma və təbii cütləşmə proqramlarının icrasına nəzarət.
• Buzovlara Qulluq: Buzovların müayinəsi, müalicəsi, buynuzsuzlaşdırılması; onların südlənməsi, yemlənməsi və altlıqların təmizliyi/dezinfeksiyası proseslərinə nəzarət.
• Sanitariya və Nəzarət: Heyvanlar saxlanılan binalarda dezinfeksiya işlərinin təşkili, tələf olan heyvanlardan analiz materiallarının götürülməsi və məhv edilməsinə nəzarət, karantin tədbirlərinin icrası.
• Uçot və Sənədləşmə: Baytarlıq preparatlarının sifarişi, dərmanların saxlanılması və istifadəsinə nəzarət, müvafiq qeydiyyat jurnallarında uçot-hesabat işlərinin aparılması.

Namizədə dair Tələblər:

• Təhsil: Baytarlıq təbabəti üzrə ali təhsilini yeni bitirmiş məzun.
• Şəxsi keyfiyyətlər: Karyerasını bu sahədə davam etdirməyə yüksək həvəs, potensial inkişafa meyillilik və gərgin iş rejimində öyrənmək istəyi.

Qəbələ Aqropark MMC gənc istedadların kəşf edilməsi və aqrar sektorda peşəkar kadrların yetişdirilməsi məqsədilə Zootexnik ixtisası üzrə təcrübə proqramı elan edir.

Bu proqram karyerasını heyvandarlıq və kənd təsərrüfatı sahəsində qurmaq istəyən, öyrənməyə həvəsli və inkişafa meyilli yeni məzunlar üçün ideal fürsətdir.

Təcrübə proqramı çərçivəsində öyrənəcəyiniz və iştirak edəcəyiniz proseslər:

• Yemləmə və Rasion İdarəetməsi: Yemləmə proqramı əsasında gündəlik yemləmənin təşkili, heyvanların qruplaşdırılmasına uyğun rasionun hazırlanması və yem paylayan maşınların iş qrafikinə nəzarət.
• Keyfiyyətə Nəzarət: Ot anbarı, silos quyularına gündəlik baxış; qəbul olunan ot, silos və hazır yemlərin, eləcə də əkinçilikdən gələn məhsulların keyfiyyətinin yoxlanılması.
• Analiz və Hesabatlılıq: Süd, yem və peyin analizlərinin müntəzəm həyata keçirilməsi, yem və sürü məlumatlarının toplanaraq zootexniki hesabatların hazırlanması.
• Sürü İdarəetməsi və İstehsalat: Heyvanların düzgün bəslənməsi, qruplaşdırılması, sağım prosesinin və satışa gedən südün yüklənməsinin təşkili, sürü üzrə seleksiya işlərinin planlaşdırılması.
• Komanda və İnfrastrukturla İş: Tövlə işçilərinə gündəlik təlimatların verilməsi, heyətin davamiyyətinin yoxlanılması, tövlədaxili avadanlıqların sazlığına və ərazinin təmizliyinə nəzarət.

Namizədə dair Tələblər:

• Təhsil: Zootexnika və ya əlaqədar kənd təsərrüfatı ixtisasları üzrə ali təhsilini yeni bitirmiş məzun.
• Şəxsi keyfiyyətlər: İstehsalat mühitinə tez adaptasiya olma bacarığı, rəqəmlərlə və proqramlarla işləmək marağı, komanda işinə meyillilik və bu sahədə peşəkar kimi yetişmək həvəsi.

"Yalama Aqropark MMC" olaraq təsərrüfatımızdakı heyvanların sağlamlığına, təhlükəsizliyinə və ümumi rifahına ən yüksək səviyyədə diqqət yetiririk. Bu məqsədlə komandamıza heyvanlara qayğı ilə yanaşan, öz işində məsuliyyətli və operativ qərar verməyi bacaran peşəkar Baytar Həkim axtarırıq.

Əgər heyvanların anatomiyasını və davranışlarını dərindən anlayır, xəstəliklərin profilaktikası və müalicəsi üzrə müasir yanaşmaları tətbiq edə bilirsinizsə, sizi böyük və peşəkar təsərrüfat ailəmizdə görməkdən məmnun olarıq!

Əsas Vəzifə Öhdəlikləri:

Sağlamlıq və Müalicə:

• Heyvanlarda xəstəliklərin ilkin simptomlarının erkən aşkarlanması və dəqiq diaqnostikanın aparılması.
• Diaqnoza uyğun olaraq effektiv və düzgün müalicə planının qurulması və icrasına nəzarət edilməsi.
• Zərurət yarandıqda və göstəriş olduqda peşəkar cərrahi müdaxilələrin həyata keçirilməsi.

Profilaktika və Gigiyena:

• Yoluxucu xəstəliklərin yayılmasının qarşısının alınması məqsədilə təsdiqlənmiş qrafik üzrə peyvəndləmə (vaksinasiya) tədbirlərinin həyata keçirilməsi.
• Təsərrüfat daxilində sanitar-gigiyena qaydalarına, dezinfeksiya tədbirlərinə riayət olunmasına nəzarət.

Heyvan Rifahı:

• Heyvanların gündəlik vəziyyətinin izlənməsi, onlarda stress amillərinin azaldılması üçün müvafiq addımların atılması.
• Heyvanlarda yaranan davranış problemlərinin təhlil edilərək həlli və onların ümumi rifahının standartlara uyğun təmin olunması.

Namizədə dair Tələblər:

Təhsil və Təcrübə:

• Təhsil: Baytarlıq təbabəti üzrə ali təhsil.
• Təcrübə: Klinik praktikada və ya iri fermer təsərrüfatlarında minimum 1–2 il iş təcrübəsi.

Peşəkar Bilik və Bacarıqlar:

• Heyvan anatomiyası və fiziologiyası üzrə dərin nəzəri və praktiki biliklər.
• Yoluxucu və qeyri-yoluxucu xəstəliklərin müasir diaqnostikası bacarığı.
• Heyvan xəstəliklərinin profilaktikası və müalicəsi metodlarını dərindən bilmək.
• Praktiki cərrahi müdaxilə bacarıqlarının olması.

Şəxsi Keyfiyyətlər:

• Heyvanlara yanaşma: Heyvan rifahına həssas yanaşma və peşə etikasına ciddi riayət.
• Böhran idarəetməsi: Stressli və təcili müdaxilə tələb edən vəziyyətlərdə soyuqqanlılığını qoruyaraq operativ qərarvermə bacarığı.
• Yüksək məsuliyyət hissi və komandada (digər mütəxəssislər və ferma işçiləri ilə) koordinasiyalı işləmə qabiliyyəti.

"Qəbələ Aqropark MMC" olaraq Ağsu təsərrüfatımızda əməyin mühafizəsi, texniki təhlükəsizlik və ətraf mühitin qorunması proseslərini yüksək standartlara uyğun idarə edəcək məsuliyyətli SƏTƏM üzrə Kiçik Mütəxəssis axtarırıq.

Bu vəzifə istehsalat və heyvandarlıq sahələrində təhlükəsiz iş mühitinin yaradılması, risklərin proaktiv şəkildə dəyərləndirilməsi, biotəhlükəsizlik qaydalarına riayət olunması və komandada güclü təhlükəsizlik mədəniyyətinin formalaşdırılması baxımından mühüm strateji əhəmiyyət daşıyır.

Əsas Vəzifə Öhdəlikləri:

Nəzarət və Təhlükəsizlik İdarəetməsi:

• İstehsalat və təsərrüfat ərazilərində SƏTƏM qaydalarına gündəlik nəzarətin həyata keçirilməsi, planlı və plandankənar inspeksiyaların aparılması.
• İşçilərin Fərdi Mühafizə Vasitələrindən (FMV) təyinatı üzrə və düzgün istifadəsinə mütəmadi nəzarət edilməsi.
• İş yerlərinin zəruri təhlükəsizlik vasitələri ilə təmin olunması, qadağanedici və xəbərdarlıq nişanlarının düzgün yerləşdirilməsi.

Risklərin Qiymətləndirilməsi və Təlimatlandırma:

• İş yerlərində mövcud və potensial təhlükələrin müəyyən edilməsi, risklərin analizi və müvafiq qabaqlayıcı tədbirlərin icrası.
• İş öncəsi (gündəlik) təlimatlandırmaların keçirilməsində iştirak və prosesə nəzarət.
• Yeni işçilər, eləcə də əraziyə daxil olan qonaqlar və podratçılar üçün SƏTƏM üzrə ilkin təlimatlandırmaların təşkili və rəsmiləşdirilməsi.

Biotəhlükəsizlik və Yanğın Nəzarəti:

• Xüsusilə heyvandarlıq sahəsində sanitariya-gigiyena və biotəhlükəsizlik qaydalarına ciddi riayət olunmasının təmin edilməsi.
• Yanğın təhlükəsizliyi tələblərinə nəzarət, ilkin yanğınsöndürmə vasitələrinin (balonlar, hidrantlar və s.) saz və işlək vəziyyətdə olmasının mütəmadi yoxlanılması.

Sənədləşmə və İnsidentlərin Araşdırılması:

• Baş verən hər hansı hadisə, qəza və ya insidentlərin araşdırılmasında birbaşa iştirak və ilkin hesabatların hazırlanması.
• SƏTƏM üzrə bütün sənədləşmə dövriyyəsinin nizamlı şəkildə aparılması və rəhbərliyə müvafiq hesabatların təqdim edilməsi.

Namizədə dair Tələblər:

Təhsil və Təcrübə:

• Təhsil: Müvafiq sahə üzrə (SƏTƏM, Mühəndislik, Ekologiya və s.) ali təhsil.
• Təcrübə: SƏTƏM sahəsində minimum 1 il iş təcrübəsi (İstehsalat və ya kənd təsərrüfatı sahəsində təcrübə arzuolunandır).

Bilik və Bacarıqlar:

• Əməyin mühafizəsi və texniki təhlükəsizlik üzrə yerli normativ aktlar və qanunvericilik barədə məlumatlılıq.
• MS Office proqramlarında (Excel, Word, PowerPoint) işləmə bacarığı.

Şəxsi Keyfiyyətlər:

• Yüksək məsuliyyət hissi, detallara qarşı diqqət və operativlik.
• Güclü ünsiyyət qabiliyyəti və müxtəlif komandalarla (işçilər, rəhbərlik, podratçılar) effektiv işləmək bacarığı.

"Qəbələ Aqropark MMC" olaraq heyvandarlıq kompleksimizin istehsalat fəaliyyətinə rəhbərlik edəcək, məhsuldarlığın artırılması və müasir texnologiyaların tətbiqi üzrə zəngin təcrübəyə malik Baş Zootexnik axtarırıq.

Bu vəzifə təsərrüfat daxilində yemləmə rasionlarının hazırlanmasından tutmuş, seleksiya-damazlıq işlərinə, süd/ət istehsalı göstəricilərinin təhlilinə və böyük komandanın idarə olunmasına qədər geniş bir sahəni əhatə edir. Əgər siz iri heyvandarlıq komplekslərinin idarə edilməsində təcrübəyə, analitik yanaşmaya və güclü liderlik keyfiyyətlərinə sahibsinizsə, sizi komandamızda görməkdən məmnun olarıq!

Əsas Vəzifə Öhdəlikləri:

İstehsalatın Planlaşdırılması və Texnoloji Nəzarət:

• Müəssisədə heyvandarlıq sahəsinin ümumi fəaliyyətini planlaşdırmaq, təşkil etmək və kəsintisiz icrasına nəzarət etmək.
• Heyvanların saxlanılması, bəslənməsi və qulluq texnologiyalarının müasir standartlara uyğun düzgün tətbiqini təmin etmək.
• Süd, ət və digər heyvandarlıq məhsullarının istehsal göstəricilərini mütəmadi təhlil etmək, məhsuldarlığın artırılması üzrə strateji tədbirlər planı hazırlamaq.
• Heyvandarlıq binalarında sanitariya-gigiyena, mikroiqlim və biotəhlükəsizlik qaydalarına ciddi əməl olunmasını təmin etmək.

Yemləmə, Seleksiya və Uçot:

• Heyvanların inkişaf dövrlərinə uyğun yemləmə proqramlarını və balanslaşdırılmış yem rasionlarını hazırlamaq, onların icrasına nəzarət etmək.
• Yem ehtiyatlarının düzgün, səmərəli istifadəsinə və optimal şəraitdə saxlanılmasına nəzarət etmək.
• Damazlıq və seleksiya işlərini təşkil etmək, sürünün cins tərkibinin və genetik potensialının yaxşılaşdırılması istiqamətində tədbirlər görmək.
• Heyvanların identifikasiyası, məhsuldarlığı və reproduktiv göstəriciləri üzrə dəqiq uçotun aparılmasını təmin etmək.

Əlaqələndirmə və Komanda İdarəetməsi:

• Baytar həkimləri ilə birlikdə heyvanların sağlamlığının qorunması, profilaktik tədbirlərin və peyvənd proqramlarının həyata keçirilməsini əlaqələndirmək.
• Heyvandarlıq sahəsində çalışan işçilərin fəaliyyətini təşkil etmək, iş bölgüsünü aparmaq və metodiki göstərişlər vermək.
• İstehsal göstəriciləri üzrə aylıq, rüblük və illik hesabatların hazırlanmasını təmin etmək və rəhbərliyə təqdim etmək.

Namizədə dair Tələblər:

• Təhsil: Zootexnika, Heyvandarlıq və ya Baytarlıq üzrə ali təhsil.
• Dil bilikləri: Azərbaycan dili – ana dili, İngilis dili –üstünlükdür.
• Təcrübə: İri heyvandarlıq (xüsusilə süd və/və ya ət yönümlü aqroparklar/fermalar) sahəsində minimum 5 il zootexnik, bunun minimum 2-3 ili Baş Zootexnik və ya rəhbər heyətdə iş təcrübəsi.
• Peşəkar Biliklər:
• Müasir yemləmə proqramları və balanslaşdırılmış rasion tərtibi proqramları ilə işləmək bacarığı.
• Sürü idarəetmə və seleksiya proqramları haqqında dərin biliyə malik olmaq.
• İri fermalarda avtomatlaşdırılmış sağım və yemləmə sistemlərinin iş prinsiplərini bilmək.
• Kompüter Bilikləri: MS Office və hesabatlılıq proqramlarından sərbəst istifadə.
• Şəxsi Keyfiyyətlər: Güclü liderlik, idarəetmə və təşkilatçılıq bacarığı, analitik düşüncə, stresə davamlılıq və problem həll etmə qabiliyyəti.